Historia di Bario
Informacion compila pa Angelo Angela
Oranjestad, januari-februari 2011

Na Biblioteca Nacional di Aruba (BNA) su seccion di Arubiana/Caribiana NO ta haya un map di informacion "kant en klaar" di historia di tal bario. Bo mester ta hopi specifico kico bo kier y e ora ey nan por haya algo di e bario mes via otro topico. Di topico Historia di Bario tin e siguiente documentacion:

Aruba Nostra
Nooyen, R.H. (s.l.)
E ta un buki cu compilacion di articulo di Nooyen, R.H. (NR.552).
E buki aki ta menciona hopi biaha e pasado indjan, principalmente si bo ta busca informacion di un cierto bario, unda antes indjan tabata biba (manera Sta.Cruz y Noord). Ademas e tin articulo tocante sitio historico. Den algun di e articulonan hasta ta menciona algun famia cu por ta di interes pa e grupo Historia di Famia.

Den e buki aki mi a haya e siguiente articulonan cu lo ta di interes pa e grupo Historia di Bario principalmente, pero tambe e otro gruponan lo por tin algo na dje.

AMIGOE DI ARUBA XVIII, 10-1-'67 pag. 22, Legende van Sabana Grandi. -----
Interesante mencion di catibo aunke hopi cortico. Un storia di un asesinato di un shon y su famia door di su mesun catibonan. Den e articulo ta para: "Nog altijd is Sabana Grandi bekend om zijn zeven graven in een kunuku ten oosten van Tanki di Sabana Grandi, zeven oude graven met een rondgemetselde grafbedekking".
Mi mes ta forma parti di un di e famianan cu ta di e bario ey y nunca mi no a wak ni tende di e grafnan. Loke mi sa si ta cu eynan tabatin dos pos di awa den un pida cunucu. E articulo ta menciona tambe cu indjan Guajiro tabata traha manera catibo. Mi omo a menciona cu den e area di Rooi Bosal / Barcadera / Sabana Grandi tabatin indjan Guajiro cu tabata traha pa algun famia eybanda.

AMIGOE DI ARUBA XXV 27-juni- '67 pag. 29, Legende van Trekinchi en Marawiel -----
E articulo ta referi na e origen di nomber di bario.

AMIGOE DI ARUBA XXVI 13-7-'67 pag. 30, Ezeltransport naar Calabas------
E articulo ta menciona e burico como medio di transporte, specialmente uza pa carga material di e minanan di oro na Calabas.

Map Bario en straatnamen.
Un mapa cu tur e nombernan di bario, mapa y splicacion na Papiamento con pa yega na e luga.

Bouwen op de wind. Architectuur en Cultuur Aruba.
Pa esnan cu ta interesa mas den e aspecto di arkitectura, specificamente con ta traha un cas di torto. Interesante pa e gruponan di Historia di famia, Historia di Bario y Aruba pre-industrial ta e Capitulo Het traditionele Arubaanse woonhuis: familietradities in leem en steen, di e parafo Plantages pag. 34.
E ta menciona unda tabatin plantacion, como tambe nomber di plantacion y di e famianan cu tabata doño. Mayoria di e nombernan di plantacion ta existi ainda y a bira nomber di bario.